Rahul M.

large_Feature_No_ticket_will_travel.jpg

medium_Feature_No_ticket_will_travel.jpg

small_Feature_No_ticket_will_travel.jpg

thumbnail_Feature_No_ticket_will_travel.jpg

Feature_No_ticket_will_travel.jpg

Feature_No_ticket_will_travel_e95f8317e7.jpg

یہاں تک پہنچنے کے لیے انھوں نے تقریباً ۹۰۰ کلومیٹر کا سفر کیا ہے، اور اب یہ انتظار کر رہے ہیں کہ کوئی انھیں روزانہ کی اجرت کے کام کے طور پر اٹھا لے۔ غیریقینی کی صورتحال ان مزدوروں کو گھیرے ہوئی ہے۔ یہ لوگ یہاں تک دو ٹرینیں بدل کر پہنچے ہیں، آندھرا پردیش کے اننتا پور ضلع میں، پُتا پارتھی اور کدیری سے۔ ’’گاؤں میں قحط کا بھی کوئی کام نہیں ہے (یعنی، دیہی روزگار گارنٹی ایکٹ یا منریگا کے تحت کام)، اور ہم نے پہلے ہی جو کام کر رکھا ہے اس کا بھی پیسہ ہمیں ہفتوں سے نہیں ملا ہے،‘‘ بہت سے کسانوں نے مجھے بتایا۔ اور یہاں پر جو بھی کام بچا ہے، وہ سال بھر کے کام کی حقیقی ڈیمانڈ سے ایک دہائی سے بھی کم ہے۔اور اسی لیے، سینکڑوں مرد و خواتین ہر ہفتہ کوچی جانے کے لیے گُنٹاکل پیسنجر پر سوار ہوتے ہیں۔ ’’کوچی آنے کے لیے کوئی بھی ٹکٹ نہیں لیتا ہے۔ جاتے وقت، ہم میں سے آدھے لوگ ٹکٹ لیتے ہیں، آدھے نہیں لیتے،‘‘ اننتاپور کے موڈی گُبا منڈل (بلاک) کے مہاجر مزدور، سری نیواسولو بتاتے ہیں۔

02_a_migrant_labourer_relaxing_on_a_rainy_su_max_800x600_d9c552805d.jpg

سری نیواسولو ایک بار تب پکڑ لیے گئے تھے، جب وہ اننتا پور لوٹ رہے تھے۔ ’’کوچی میں بارش ہو رہی تھی۔ میں نے پانی کی بوتل کو آدھا شراب سے بھر لیا تھا اور ٹرین میں ہی پی رہا تھا۔ آدھا راستہ پار کر لینے کے بعد مجھے یاد آیا کہ میں نے ٹکٹ نہیں لیا ہے۔‘‘ لہٰذا سری نیواسولو نے کیرالہ میں جو ۸ ہزار روپے کمائے تھے، اسے اپنے ایک ساتھی مسافر کو دے دیا اور اپنے پاس صرف ۸۰ روپے ہی رکھے، اور بے صبری سے اپنی قسمت کا انتظار کرنے لگے۔کٹ پاڑی میں، ٹکٹ کلکٹر (ٹی سی) نے سری نیواسولو کو روک لیا۔’’ٹکٹ کہاں ہے؟‘‘ ٹی سی نے ان سے پوچھا۔’’میرے پاس نہیں ہے،‘‘ سری نیواسولو نے جواب دیا۔’’کھڑے ہو جاؤ،‘‘ ٹی سی نے تیلگو میں کہا، ’’میرے ساتھ آؤ، ماما (یعنی، سالا)۔‘‘’’چلو، ماما،‘‘ سری نیواسولو نے پورے اعتماد کے ساتھ جواب دیا۔ ٹکٹ کلکٹر نے ان سے ۵۰ روپے لیے اور وارننگ دے کر چھوڑ دیا۔ سری نیواسولو، شراب کے نشے میں مست، نے وعدہ کیا کہ وہ اس ٹرین پر دوبارہ کبھی سفر نہیں کریں گے۔ٹکٹ کلکٹر جب دور جانے لگا، تو سری نیواسولو نے کہا، ’’سر، میرے پاس کھانے کے لیے بھی پیسے نہیں ہیں۔‘‘ ٹی سی نے انھیں گالی دی، پیسہ واپس لوٹا دیا اور چلا گیا۔

03_tamil_and_telugu_migrants_waiting_for_w_max_1400x1120_b39ad754de.jpg

مہاجر مزدور کوچی کے کلور جنکشن پر صبح سویرے ہی پہنچ جاتے ہیں؛ وہ سڑک کے دونوں جانب بے صبری سے انتظار کرتے ہیں کہ کوئی ٹھیکہ دار اور زمین کا مالک، جو سڑکیں اور گھر خلیجی دینار سے بناتے ہیں، آئے گا اور انھیں کام پر لے جائے گا۔ کام کے دنوں میں، وہ صبح کو ۶ بجے اٹھ جاتے ہیں، ٹوائلیٹ جاتے ہیں، نہاتے ہیں اور پھر سڑک کنارے لائن لگاکر کھڑے ہو جاتے ہیں۔ جب کوئی کام نہیں ہوتا، تو یہ سارے ندی میں نہاتے ہیں، ناگیش نام کا ایک مزدور بتاتا ہے۔صبح کے ۷ بجے تک پورا اسٹیشن لوگوں کی بھیڑ سے بھر جاتا ہے۔ ’’بعض مہینوں میں، ہم لوگوں کی تعداد ۲ ہزار کے آس پاس ہوتی ہے،‘‘ ایک مزدور بتاتا ہے۔ یہ لوگ سڑک کے کنارے آندھرا کی فیملیز کے ذریعے ہی چلائی جانے والی دو دکانوں پر ناشتہ کرتے ہیں اور اپنا لنچ پیک کرتے ہیں۔ وہ مُڈھا (جو کہ ریال سیما میں راگی سے تیار کیا جانے والا کھانا ہے)، اچار اور چاول کھاتے ہیں۔

04_a_man_selling_lottery_tickets_to_migran_max_1400x1120_fb3db1f4a5_0143c5f2ef.jpg

05_women_waiting_for_work_6aaf68aac0.jpg

جنکشن پر سبھی دن ایک جیسے قسمت والے نہیں ہوتے۔ کسی مزدور کو کام مل بھی سکتا ہے، نہیں بھی۔ ’’جب کوئی کام نہیں ہوتا،‘‘ ایک مہاجر کہتا ہے، ’’ہم شراب پیتے ہیں اور سو جاتے ہیں۔‘‘لوگ یہاں آتے ہیں، کیوں کہ کیرالہ میں روزانہ کی اجرت تین گنا زیادہ ہے۔ ’’اننتا پور میں، ہمیں ایک دن میں ۲۰۰ روپے ملتے ہیں۔ یہاں پر ۶۵۰ روپے ہے، کبھی تو ۷۵۰ روپے بھی،‘‘ رنگپا کہتے ہیں، جو اننتا پور میں گُجری (پرانے، ترک کر دیے گئے سامان) بیچتے ہیں۔ بہت سے لوگ یاد کرتے ہوئے کہتے ہیں کہ کیسے ایک زمیندار نے ایک بار انھیں چھوٹے سے گھریلو کام کے لیے ۱۰۰۰ روپے دیے تھے اور ساتھ ہی شراب اور کھانا بھی دیا تھا۔جنکشن پر رہنے والے ہر کسی کے پاس کوئی نہ کوئی اسٹوری ہے۔ یہ کہانیاں ایک جیسی ہیں: برباد ہو چکی فصل، بارش کی کمی کی وجہ سے، بورویل کی بہتات، اور ان کے نقصان کا معاوضہ دینے میں حکومت کی ناکامی۔ اس کے علاوہ، قرض کا بوجھ اور کئی مہینوں تک منریگا کے تحت کوئی کام نہ ملنا یا کام کے پیسے نہ ملنا، حالات کو اور خستہ بناتے ہیں۔

06_on_a_sunday_58793b4364.jpg

یہاں پر ہر پیشہ کے لوگ مل جاتے ہیں۔ چند گھنٹوں میں، میں نے پینٹروں، ہتھ کرگھا بنکروں، آٹو ڈرائیور، سی آر پی ایف کے ایک سابق جوان، ۸۲ سالہ آنکھوں سے معذور سے ایک شخص، اور گرمی کی چھٹیاں منا رہے متعدد طلبہ سے ملاقات کی۔ کدیری کے ۱۷ سالہ راج شیکھر کے لیے، جس نے ابھی ابھی دسویں کلاس کا امتحان دیا ہے، اس مزدوری سے اس کی فیملی کو تھوڑا اضافی پیسہ مل جاتا ہے۔ بالاجی نائک جیسے ڈگری اسٹوڈنٹس کے لیے، کیرالہ سے پیسے کمانے سے کالج کی فیس کا انتظام ہو جاتا ہے۔

07-ramlulu__rajashekhar.jpg

۲۳ سالہ بالاجی، کدیری کے وویکانند کالج سے تیلگو لٹریچر میں بی اے کر رہے تھے۔ کالج میں خود کو بنائے رکھنے کے لیے وہ اتوار کو بھی کام کرتے تھے۔ لیکن گاؤوں سے کام جیسے ہی ختم ہونا شروع ہوئے، انھیں دوسرے سال کے بعد کالج چھوڑنے پر مجبور ہونا پڑا۔ ’’بھوک سے تڑپتا ہوا پیٹ سب سے بری چیز ہے،‘‘ وہ کہتے ہیں۔ بالاجی کی کچھ دنوں بعد ہی شادی ہو گئی اور اب وہ کام کے لیے کدیری سے کوچی کے درمیان سفر کرتے رہتے ہیں، اور اپنی بیوی اور والدین کی مدد کر رہے ہیں۔ان کے جیسے یہاں اور بھی بہت سے طلبہ ہیں جو کام کا انتظار کر رہے ہیں۔ ’’ہم اپنی ڈگری مکمل کرنے کے بعد یہاں آئے ہیں،‘‘ ایک اچھے کپڑوں میں ملبوس طالب علم کہتا ہے۔ ’’ہم میں سے کچھ لوگ یہاں چھٹیوں کے دوران کام کرتے ہیں۔‘‘

08-migrants.jpg

جنکشن پر، گھروں کے مالک اور ٹھیکہ دار ایک ایک کرکے آتے رہتے ہیں۔ لوگ ان کے ارد گرد جمع ہو جاتے ہیں۔ ’’ٹھیکہ دار ایک گھنٹہ تک چکر لگاتے ہیں، لوگوں کا گہرائی سے معائنہ کرتے ہیں اور پھر مزدوروں کو ان کی عمر اور جسمانی طاقت کے حساب سے چنتے ہیں،‘‘ ویرپا نام کے ایک مزدور بتاتے ہیں۔ صبح کے ۱۱ بجے جب یہ صاف ہو جاتا ہے کہ اب دن کے لیے مزید کوئی کام نہیں بچا، تو باقی مزدور تھوڑی دیر تک آپس میں بات چیت کرتے ہیں، یا پھر فٹ پاتھ کے کنارے سو جاتے ہیں۔ بعض مزدور سڑک کے کسی سنسان کونے میں شراب پینا شروع کر دیتے ہیں۔

09_a_laborer_sleeps_around_9_50_am_after_n_max_1400x1120_00d7d5ed5f.jpg

دوپہر کے تقریباً ڈیڑھ بجے، چند مزدور جنہیں کام نہیں ملا ہے، مقامی شیو مندر کا رخ کرتے ہیں، جہاں وشو ہندو پریشد کی طرف سے مفت کھانے کا انتظام ہے۔ ’’شیوا لیم بہت سی زندگیوں کو بچاتا ہے،‘‘ مزدور کہتے ہیں۔ ’’وہ ہمیں کیرالہ کا چاول دیتے ہیں، جو کہ ٹھیک ہے۔ وہ ہر ایک کو کھانا کھلاتے ہیں۔ ہم میں سے زیادہ تر لوگ، جن کے پاس کام نہیں ہے، یہیں کھانا کھاتے ہیں۔‘‘

10_free_meals_at_the_vhp_run_shivalayam_c56ec3c63a.jpg

دن مکمل ہونے کے بعد، سارے مزدور سونے کے لیے واپس لوٹنے لگتے ہیں۔ وہ یا تو جنکشن کے فٹ پاتھ پر سوتے ہیں یا پھر لوکل بس اسٹینڈ کے پلیٹ فارم پر۔ دیگر مزدور گھروں کی چھتوں پر یا کیرالہ کے باشندوں کے ذریعے کرایے پر لیے گئے پرانے کمروں میں سوتے ہیں۔’’شام کے ۵ بجے بلب جلا دیا جاتا ہے، لیکن پنکھے آن نہیں کیے جاتے۔ رات کے ۱۰ بجے بلب آف کر دیے جاتے ہیں اور پنکھا چلا دیا جاتا ہے،‘‘ رام کرشنا بتاتے ہیں، جو ایک ملیالی گھر میں چھت پر سوتے ہیں۔ ’’ہماری پہنچ سوئچوں تک نہیں ہے۔ ہم جب دن کا کرایہ مکان مالک کو ادا کر دیتے ہیں، تب وہ پنکھے چلا دیتا ہے۔ اگر کوئی کرایہ نہیں دے پاتا، تو وہ پنکھے کو بھی بند کر دیتے ہیں، بھلے ہی وہاں ۴۰ لوگ کیوں نہ سو رہے ہوں۔‘‘

11-log_of_daily_rent_for_room.jpg

جو لوگ سڑکوں پر رہتے ہیں، انھیں دوسری پریشانیوں کا سامنا کرنا پڑتا ہے: اور وہ ہے مچھر۔ ’’لیکن جب وہ کاٹتے ہیں تو آپ بیمار نہیں پڑتے،‘‘ ۶۲ سال کی وینکٹما بتاتی ہیں۔ دیگر لوگوں کے لیے مچھروں اور کوچی کے حبس والے موسم سے بچنے کا طریقہ شراب ہے، جسے پی کر وہ گہری نیند سو جاتے ہیں۔

12_people_sleeping_on_the_footpaths_of_kal_max_1400x1120_30f8526a25.jpg

انجانے یولو، جو دن بھر کی ۸۰۰ روپے کی مزدوری سے کم میں کام کرنے کو منع کر دیتے ہیں، ان کے منھ سے شراب کی بدبو آ رہی ہے۔ وہ ہر وقت شراب کے نشے میں مدہوش رہتے ہیں۔ ’’چندرا بابو (نائڈو) سے کہئے کہ وہ میرے لیے ایک ٹوائلیٹ بنوا دیں، پھر میں شراب پینا کم کر دوں گا۔ ہمارے گھر پر ٹوائلیٹ نہیں ہے۔ ہم جب ندی کنارے جاتے ہیں، تو لوگ ہمارا مذاق اڑاتے ہیں۔‘‘کلور کے ہر مزدور کے کام کرنے کی ایک ترتیب ہے۔ زیادہ تر لوگ تین ہفتوں تک ٹھہرتے ہیں اور پھر ایک ہفتہ کے لیے اپنے گاؤں چلے جاتے ہیں۔ بعض کچھ زیادہ دنوں تک ٹھہرتے ہیں، تاکہ پرانے قرضوں کو چکا سکیں۔ ’’میں پچھلے ایک سال سے گھر نہیں گیا ہوں،‘‘ مڈی گبا کے ۴۰ سالہ کسان، نارائن سوامی بتاتے ہیں۔ ’’میں ہر ہفتہ تقریباً ۲ ہزار روپے گھر بھیجتا ہوں۔‘‘

13_62_year_old_venkatamma_travels_back_to_max_1400x1120_153cba36bf.jpg

’’یہاں پر ہر کسی کے ذہن میں کچھ نہ کچھ وہم ہے،‘‘ سری نیواسولو کہتے ہیں۔ ’’کچھ لوگ تاش کو لے کر پاگل ہیں، کچھ شراب کو لے کر، کچھ لوگوں پر لاٹری کا بھوت سوار ہے۔‘‘لیکن ان تمام لوگوں میں جو ایک چیز مشترک ہے، وہ ہے غیر یقینی کی حالت، جب وہ سارے کلور جنکشن کی سڑک کے دونوں طرف قطار لگاتے ہیں۔

ٹکٹ تو نہیں ہے، پر سفر کرنا ہے

ടിക്കറ്റ് ഇല്ലെങ്കിലും ഞങ്ങൾ യാത്ര ചെയ്യും

No ticket, will travel

டிக்கெட் இல்லா பயணம்

বিনা টিকিটেই যাত্রা করব!

ଟିକଟ ନାହିଁ, ତଥାପି ଯିବୁ

Anantapur

At present, we can only accept donations in Indian rupees by Indian citizens. All donations made to the CounterMedia Trust are eligible for exemption under Section 80G of the Income Tax Act, 1961. Here is a copy of our exemption certificate.


India is bigger than New Delhi. And people need to know more about the rest of this vast nation.


Younger, media-saturated generations are growing up knowing little about their country, but a lot about the elites of a few metros and towns. For a narrowly-owned, commercially-driven media, the dumbing down of a nation is part of standard operating procedure. The last available data of the Centre for Media Studies (CMS, Delhi) show us that reports from New Delhi account for 66 per cent of news on the front pages of major dailies. The CMS data also found that just about 0.24 per cent of front page news came out of rural India. The TV channels are not much better.PARI exists to change that.We are a non-profit organisation. We publish under creative commons, and do not charge readers a subscription fee or put-up advertisements. Nothing is behind a paywall and we are completely free-to-access by anyone. We guard our independence and receive no direct grants from governments and corporations, nor any funding that could dictate our content. So, we are dependent on volunteer labour, donations from individuals, foundations and institutions that see value in independent and free media.PARI is changing the way Indian journalism reports and documents the rural.India is more than the elite of a few metros and towns. We report on rural lives and livelihoods, languages, communities, migrants and more. We need your help to pull off this most ambitious of Indian journalistic endeavours. The scale of this effort costs money. Donate generously - and spread the word about PARI.&nbsp;

Donate FAQs


Let’s get you acquainted

Welcome to PARI

All our content is, and will forever be free to consume. If you enjoy our work, you can support us by becoming a volunteer or by donating to help fund our work.

Want to republish this article? Please write to <a href="mailto:zahra@ruralindiaonline.org" target="_blank" rel="noopener noreferrer">zahra@ruralindiaonline.org</a> with a cc to <a href="mailto:namita@ruralindiaonline.org" target="_blank" rel="noopener noreferrer">namita@ruralindiaonline.org</a>

ٹکٹ تو نہیں ہے، پر سفر کرنا ہے

آندھرا کے مہاجر کیرالہ میں کام کی تلاش میں

Related stories

گوا کے بھدیل

صبح کی چہل پہل سے بھرا چنئی کا پھول بازار

کالی: ڈانسر اور ان کے خواب

دھاگے سے لٹکا ہوا

یہیں کام کرنا ہے، یہیں رہنا ہے

ممبئی کی عمارتیں بنانے والے مغربی بنگال کے مزدور

ممبئی کے’پوم-پوم‘ والے اڈلی فروش

ممبئی کو بنانے والے محبوب نگر کے مہاجر مزدور

کالی: ڈانسر اور ان کے خواب – فلم

کالی کا رقص – اوئیلاتم

کالی کا رقص – تھپّتّم

کالی کا رقص – کرگٹّم

کالی کا رقص – نو رسم

گڑگاؤں میں کام کرتی مہاجر عورتیں

بڑا فائدہ: دہلی کے دیہی بازار

ٹکٹ تو نہیں ہے، پر سفر کرنا ہے

تلووں کی مرمت: ’جو ٹوٹ چکا ہے میں اس کو ٹھیک کرتی ہوں‘

جہاں کھیتی کا مطلب ہے دو کل وقتی نوکریاں

ایک دیہی دوڑیے کا سفر

ایک کاروباری میکینک

امراوَتی کے چار پیروں والے ’اولین شہری‘

پرسنّا کا گھر ان کا رکشہ ہے

کُمارٹُلی کی گلیاں، کمہاروں کی مورتیاں

بینک ’گاندھی گیری‘، مراٹھواڑہ میں کیش لیس ہارا۔ کیری

بی پی ایل گیارہ: یہ موبائل ہیں، ان کا پیسہ نہیں